RAIS wa Shirikisho la Filamu Tanzania (TAFF), Simon Mwakifwamba amesema kuwa, hali ya sanaa nchini kwa sasa inasikitisha.
Mwakifwamba alisema kazi za sanaa hivi sasa hazifanyi vizuri sokoni, jambo linalosababisha maisha ya wasanii wa filamu nchini kukosa pa kushika.
Rais huyo alisema kuwa, baada ya hali ya soko kushuka na wasanii wengi nchini wamejikuta wakikosa sehemu za kuuza kazi zao.
“Tasnia ya filamu nchini imeyumba sana, moja ya sababu ni mfumo mbovu wa usambazaji ulivyo, maisha ya wasanii wetu yanasikitisha kwa kweli,” alisema Mwakifwamba.
Mwakifwamba aliongeza kusema kuwa, wasanii pia hawana umoja, kitu kinachofanya washindwe kushirikiana kusaka ufumbuzi.
